8/31/2005

只對自己作了交代

這個八月終於都完結了,一直朝思暮想與這個泳池脫離關係的夢想最後也實現了,心中即時舒展不少!除了那煩人的200份draft外,也算是展開了期待已久的休息假期了!

對於整個暑假的感覺,真的很是漫長,有的時候都不禁問一問自己這兩個多月是怎樣過的。好像在很長很長的時間裡,我找不到任何理由要我選擇留下和看著世態炎涼的現實,老實說不是看得少,但再多看一次也不過讓我更清楚那些嘴臉是何其地可憎,不過都過去了!

沒心情打日記,草草打了數十字也算對自己有了交代。若問自己有什麼得著或慶幸的地方,我想可幸的是我的厚面皮也沒有讓我在那裡有太大難堪的處境,實在要感謝主!

8/23/2005

其實我想呻下姐.........

原來越呻越想呻,打到唔停手,變左八婆tim~

百呻記

我今日過左個最無聊最無聊既holiday,因為足足一日都係電腦前面哺蛋,因為想第一時間收到email然後做野,打下agenda呀,amend下minutes呀想,不過成一日都無乜進展,淨係post下改下sent下agenda呀同sent minutes囉,無架啦!

今日一朝早就feel到好強既stress,緊張到暈,好鬼驚做得唔好,好鬼驚人地當我無料到當我廢柴又睇小我,好鬼驚人地嫌棄我覺得我阻住地球轉,真係餵自己食屎,拿來賤!諗住入學生會找回自信呀下找下有意義既事黎做下,點知仲衰,個個又叻過我又識扮野過我又有料過我,起碼講英文個陣扮都扮哂有自信,我係全場最叻個隻款先啦,都唔知點解我英文oral拎個B,found dip英文拎A既人,可以折服在佢地營做既壓力下,唔好話up得十分好啦,talk得下吹得兩咀都好呀,最後變左隻半自閉鵪鶉囉!點解?!!!WHY ME??!!(好有萬梓良feel~)


信仰小分享

好多野真係避唔到架,我好清楚都好明白,我知道係我自己拿來賤底下,冥冥中係天父想係我身上做d野,因為我實在太難搞,就係因為乜都無行差踏錯先難搞,我真係知架!我覺得天父無啦啦俾我見到一首詩歌mp3既album名位無啦啦寫住"詩篇139篇",我又屎忽痕想知講乜喎,有左個basic impression啦,點知有一日阿國輝哥哥帶詩歌就帶左首歌都係改自詩篇139篇架喎,一聽就呆哂,入哂囉!咁岩又講緊約拿書喎,好啦!究竟佢地有咩關連呢?

就係猛咁同我講我一直既處事方法都係逃避,我係明白個處境我係接受發生既事實,但係我唔去面對,呢度避下個度閃下,係因為對乜野都無足夠既信心,有信心可以避到但係就係無信心企定定食左佢,其實個心真係知未必好惡啃架,但係就係要做隻有個性既死人鵪鶉。

但係避黎閃黎又點呢?無用架,我個日仲笑:『個個約拿都白痴既,以為閃去西班牙就無事呀?!(西班牙即係以前既他施,不過佢都幾識揀架喎,去西班牙咁串!),其實去到邊都走唔甩架啦,佢真係當天父傻架喎,都唔知佢做乜閃人,有病!』個頭話完佢,原來都有份狠狠地串自己一餐,都幾絕!

我無信心,我知道;我無遠見,我明白;我軟弱無能,我清楚;我衰左閃右避衰唔俾機會自己唔俾機會天父,我了解.........

我都想改,其實我真係好想改,但係我知道我既聖靈好需要急救.......
天父呀!求你讓我感受你的大能,讓我明白你想我了解既事,讓我感受更深,求你讓我改變,阿們!


P.S.:就係呢首令我呆左既歌,歌詞好有power!
展開清晨的翅膀

主耶和華,你已經鑒察了我。
我坐下,我起來,你都已曉得。
我行路,我躺臥,你都細察,你也深知我一切所行。

我舌頭上的話,你沒有一句不知道。
你在我前後環繞著我,按手在我身上。
這樣的奇妙,是我不能測透,
你的至高你的尊貴,是我永遠不能所及。

我可以往哪裡去躲避你的靈?
我可以往哪裡去逃,可躲避你的面?
我若展開清晨的翅膀飛到地極,就在那裡,
你的雙手也必引導我。

8/22/2005

平面說:我受不起曲線......

一直覺得自己的生活好齋,除了返工返學返屋企,真是己經無地方去了。心一直處於非常平靜的狀態,老實說一把年紀真的受不了什麼大的衝擊,人家在我自說自話的時間早已出街又玩又蒲,我卻在電腦前呆頭呆腦發夢。

有時在想,天父應該會幾喜歡我這個所謂的年輕人,又唔玩又唔蒲又唔反叛又唔上網又唔溝仔又唔發癲,乜都無我份,無十優都有七、八優啦,實易教過個d玩世不恭既同類,最緊要唔洗煩,呵?

我發覺十次約左人,都有六、七次放飛機,死未?我諗我實有社交恐懼症,唔想同人講野唔想對住人笑唔想行街唔想洗錢唔想聽是非唔想知你鐘意邊個同邊個又鬧交唔想知你有幾叻有幾辛苦有幾唔開心,佢地幾時有聽過我講呢?我諗一、兩次囉。講到呢度真係眼濕濕,所以唔怪得我受唔起風浪,我發覺我成日哎聲嘆氣,唔到幾秒就鞋鞋聲,真係好鬼煩,不過都唔知點解,之前阿林馨個表哥發現先既,唔講唔覺,越講呢個幾年後真係越黎越覺,死未?!

諗深一層,日記打俾自己睇炸嘛,洗乜學人文皺皺扮哂蟹咁姐?又無人睇既,妖!理得佢呀!
好鬼..............Zone呀!


個心齋到有回音,個回音同我講如果有朝一日有少少感動動一動佢既話,肯定死梗,mang都mang唔住,所以我真係受唔住感動咁激架,不過個心其實都有d麻木架啦,最好唔好有大野發生,唉!望就咁望啦,唔好淨係得個望!

8/17/2005

呆,呆,呆

呢排好吽,好唔掂,加上呢期有好強烈既感覺就係好唔想對住d人,咩人一埋黎就?面,再唔係就唔好老脾,心情差到極,都唔知自己做咩會咁,不過就真係知道返工返到驚,日日唔係返工就係抖一日又返工,好想死,好難想像做full time個陣會係幾想死左佢...=.=

美君尋日打黎,話好耐無見又乜又盛,佢打俾我係因為我放榜個日send message俾佢知個result但係個陣佢訓左覺,so打黎唔知做乜,感覺有少少無奈,佢又話因為好耐無見加上9月去旅行,所以想下個星期見我,but我左推右推都無用,都唔明點解,次次d fd都會威脅到我去就佢地,明明就好鬼唔想去好鬼唔想見佢地,但係又要逼住人去,最後局住我放飛機又要鬧餐死,唉!其實有我無我都係咁姐,鐘意見下唔鐘意咪唔好見囉,又要扮fdship 4ever呢d廢到暈老土野,出到黎我都係懶理架啦,?命!

呢個死人泳池呀憎到佢死呀,個個都衰到暈架,唉!真係唔該拿拿聲快d過8月啦!!!好鬼難頂呀!我寧願快d開學都唔該唔好俾我繼續係度做野呀!下年佢再?我都要去西貢呀,救哂命呀!不過好彩個核突佬走左姐,都叫開心哂架啦!

有時真係要發洩下,所以我而家明白阿口水妹d 日記咁一輪咀咁打哂出黎,都幾得意,所以我都唔係打好耐,都幾正,多謝!

最好無人睇,不過都應該無人睇既,嘻!